Sabon Sarkin Askan Jihar Kuros Riba Alhaji Usman Baban Aska ya yi alkawarin hada kan wanzaman jihar da kuma ci gaba daga inda mahaifinsa marigayi Alhaji Yunusa Sarkin Aska ya tsaya.
Ya bayyana hakan ne a lokacin da yake zantawa da Aminiya bayan Alhaji Salisu Abba Lawal Sarkin Hausawan Kalaba ya nada shi Sarkin Askan jihar.
Ya ce: “Za mu jawo sauran abokan sana’a a jiki domin hadin kai da bunkasa wannan sana’a tamu da muka gada iyaye da kakanni, domin mu gudu tare mu tsira tare.”
