Wasu ’yan bindiga sun kai farmaki cibiyar kiwon lafiya da ke kauyen Piri a Karamar Hukumar Kwali a yankin babban birnin tarayya, inda suka kashe mai gadi suka sace janareta kirar Mikano.
Wani mazaunin garin, Samuel Bamayi ya ce a ranar da misalin karfe 12:00 na dare lokacin da mai gadin mai suna Ishaku ya hangi ’yan fashin sai ya yi harbi a iska domin tsorata su.
- KAROTA ta kama mota cike da barasa a Kano
- Masu gasar shan kwaya a bikin aure sun shiga hannun NDLEA a Katsina
“Bayan ’yan fashin sun kashe mai gadin, sai suka umarci wani direban babbar mota da suka zo da shi ya dauke janaretan asibitin,” in ji Samuel.
Da aka tuntubi kakakin rundunar ’yan sandan babban birnin tarayya Abuja, SP Adeh Josephine, ta ce za ta yi bincike domin yin karin haske.
