Gwamnatin Sojin Najeriya ta tura jirgin yaki domin kwaso ’yan kasar da yaki ya ritsa da su a kasar Sudan.
Jirgin Rundunar Sojin Sama ta Najeriya da aka tura zai tafi kayan abinci domin ’yan Najeriyan, wadanda ake sa ran zai kwaso su zuwa gidan bayan sun isa kasar Masar.
- Sarautar Kano: Dawo da Sanusi II yana hannun Abba —Kwankwaso
- Motoci sun ki tafiya da daliban Najeriya bayan an yi lodi a Khartoum
A cikin dare ne Hukumar Kula da ’Yan Najeriya da ke Kasashen Ketare ce ta sanar cewa, “Jirgin Rundunar Sojin Sama ta Najeriya samfurin C-130 na shirin tashi zuwa kasar Masar domin kwaso ’yan Najeriya da suka makale a kasar Sudan.
“Jirgin zai je da taren abinci da ruwan sha da magunguna da sauransu.”
EVACUATION UPDATE:
NAF C 130 prepares to depart to Egypt to evacuate Nigerian Nationals stranded in Sudan.
They are going with a lot of dry food, water, Medications, etc.Our Prayers are with them. #Sudan #SudanConflict #SudanEvacuation pic.twitter.com/Qq3bJlzHtd
— Nigerians in Diaspora Commission (@nidcom_gov) April 29, 2023
Wani bidiyo da hukumar ta sanya a shafinta na Twitter ya nuna yadda sojoji ke loda ruwan sha da wasu kayayyaki a cikin jirgi da dare.
Ana kyautata zargin jirgin ne zai kwaso ’yan Najeriyan idan suka isa birnin Alkahira na kasar Masar.
Sai dai kuma Aminiya ta ruwaito cewa ’yan Najeriya da aka kwashe daga Khartoum, babban birnin kasar Sudan, sun shafe kwana uku a kan iyakar kasar Masar da ke Aswan ba tare da samun izinin shiga kasar ta Masar ba.
Rahotanni sun nuna daga iyakar ta Aswan zuwa birnin Alkahira, tafiyar akalla awa 12 ne a mota.
