Wata tankar mai dauke da lita 40,000 na man dizal (AGO) a safiyar Alhamis ta fashe a kan babbar hanyar Oshodi-Apapa da ke Jihar Legas.
Lamarin ya faru ne da misalin karfe 9:15 na safe kamar yadda Babban Jami’in Hukumar Agaji ta Kasa (NEMA) a Jihar Legas, Ibrahim Farinloye ya bayyana.
An gano cewa tankar man ta tuntsure ne a daura da ofishin Hukumar Kashe Gobara inda kan motar ya rabu da jikinta.
Ibrahim Farinloye ya tabbatar da cewa jami’an kwana-kwana sun yi kokari wurin kashe wutar. Babu tabbacin asarar rayuka, inji shi.
