Jama’a Assalamu Alaikum, barkanmu da warhaka. Yau kuma ga mu dauke da yadda ake yin Kunun Goruba.
Kayan da ake bukata
– Garin goriba
– Gero
– Sukari
– Citta
– Kanumfari
Yadda ake hadawa
– A surfa gero a shanya shi ya bushe, sai a tankade shi a fitar da dusar, sai a wanke tas a zuba citta da kanumfari a markada.
– A tace markaden da rariya yadda ake tace kunu.
– A tafasa garin goriba yadda ake tafasa tsamiya, a bari ya yi dan kauri sai a sauke, a tace ruwan a cire tsakin.
– A bari ya dan sha iska sai a dama sauran kunun a juya sosai sai a zuba sukari.
– A zuba a gora sannan a saka a firinji.
Wannan yadda ake yin kunun goriba ke nan.
