Fitaccen mawakin Najeriya da ya shahara a salon wakar Afrobeat, Ayodeji Ibrahim Balogun da aka fi sani da Wizkid ya lashe lambar yabo ta AMA a Amurka.
Haka kuma takwararsa, Temilade Opaniyi da aka fi sani da Tems, ita ma ta sake daga martabar kasar a idon duniya a bikin bayar da lambar yabo ta AMA a Amurkan.
- Qatar 2022: Saudiyya ta lallasa Argentina a Gasar Cin Kofin Duniya
- Za a gurfanar da mawaki 442 a gaban kotun Nijar
Wikzid ya kafa tarihi bayan ya doke Burna Boy da Ckay da Tems da Fireboy, inda ya zama mutun na farko da ya lashe kyautar a bangaren mawakan Afrobeat a bana.
Tems ta yi nasara ce bayan an zabe ta a matsayin wadda ta fi nuna hakaza a bana a bangaren salon wakar R&B.
A karon farko kenan da Wizkid ke lashe wannan kyauta bayan da sau uku yana takarar lashe ta amma bai samu nasara ba, sai a bana.
A karo na 50 kenan da ake gudanar da bikin na AMA wanda aka gudanar a dakin taro na Microsoft Theatre da ke Los Angeles a Amurka a ranar Lahadi wanda sharararren mai gabatar da shirin talabijin Wayne Brady ya jagoranta.
Kyautar AMA dai ita ce mafi girma a duniya wadda magoya baya ke zaben tauraronsu.
