A safiyar yau Litinin wata tankar mai da ta dauko man dizal da ya kai lita dubu 33 ta kama da wuta a unguwar Ayobo da ke jihar Legas.
Wutar ta kama tankar ne a cikin rukunin gidajen Abesan da ke hanyar Ipaja Karamar Hukumar Alimosho ta Legas. Ana zargin wutar ta tashi ne lokacin da ake iban man daga cikin bututun tankar.
Mazauna unguwar ne suka sanar da jami’an Hukumar masu bada agajin gaggawa ta Legas (LNSC) daga bisani suka sanarwa Hukumar kashe gobara ta jihar.