Shugaban Karamar Hukumar Ungogo a Jihar Kano, Injiniya Abdullahi Garba Ramat, ya kaddamar da ayyukan sama da Naira biliyan daya a karamar hukumar.
Ayyukan da ya kaddamar sun hada da aikin mayar da titin da ya tashi daga Kwanar Ungoggo zuwa cikin garin Ungogo, ya zuwa mai hannu biyu, tare da yin kwalbatoci da magudanan ruwa a kowane bangare na titin mai tsawon kilomita biyar.
- Zan iya kwada wa saurayina mari a kan ‘bestie’ — Budurwa
- NAJERIYA A YAU: Laifin Wane ne Rashin Damawa Da Matasa A Mulkin Najeriya?
Sauran ayyyukan sun hdada da na gyaran Makarantar Firamaren Abdullahi bin Mas’ud da ke unguwar Bachirawa da kuma katange babbar Mahautar Bachirawa.
Kazalika shugaban karamar hukumar ta Ungogo ya kaddamar da aikin Masallacin Juma’a da Sallar Idi a Mazabar Karo da ke karamar hukumar.
Injiniya Ramat ya ce shugabancinsa a Karamar Hukumar Ungogo ya yanke shawarar gudanar da ayyukan ne bayan binciken da ta gudanar domin gano muhimman ayyukan da al’ummar karamar hukumar suke bukata.
