Real Madrid ta lallasa Celta Vigo a wasan mako na 30 a La Liga

Real Madrid ta doke Celta Vigo 2-0 a wasan mako na 30 a gasar La Liga da suka kara ranar Asabar a Santiago Bernabeu.

Saura minti uku su je hutun rabin lokaci, Marco Asensio ya ci kwallo, sannan Eder Militao ya kara na biyu a minti na uku da suka koma zagaye na biyu.

• Rasha ta kori jami’an diflosmasiyyar Jamus sama da 20
• Dalilin da ba za a iya kwaso ’yan Najeriya da suka makale a Sudan ba

Da wannan sakamakon Real Madrid tana ta biyu a teburin La Liga da maki 65, ita kuwa Celta tana nan da maki 36 a babbar gasar tamaula ta Sifaniya.

Barcelona ce kan gaba a matakin farko mai maki 73, wadda za ta karbi bakuncin Atletico Madrid ranar Lahadi a Santiago Bernabeu.

Real Madrid da Celta sun fara wasa a bana a La Liga ranar 20 ga watan Agustan 2022, inda kungiyar Santiago Bernabeu ta je ta ci 4-1.

Real ta ci kwallayen ta hannun Karim Benzema a bugun fenariti da Luka Modric da Vinicius Junior da Federico Valverde.

Ita kuwa mai masaukin baki, Celta ta zare daya ta hannun Iago Aspas a minti na 23 a bugun daga kai sai mai tsaron raga.