Bayan gaza samun matsaya kan batutuwan da za a tattauna a taron Majalisar Zartarwarta ta Kasa, jam’iyyar PDP ta dage taronta kan batun karba-karba har zuwa karfe 8:00 na daren Laraba.
Tun da fari dai wasu daga cikin Gwamnonin jam’iyyar sun gudanar da taron sirri a gidan Gwamnan Binuwai da ke Asokoro a Abuja.
- Yadda wahalar nan fetur ke shafar rayuwar mazauna Abuja
- Dan majalisa na son China ta ceto fasinjojin jirgin kasan Kaduna
Wani da ya nemi a sakaya sunansa ya bayyan mana cewa kwamitin, wanda Shugaban jam’iyyar, Dokta Iyorchia Ayu ke jagoranta, na kokarin shawo kan jagororin jam’iyar da su samar da matsaya guda da za su kai gaban majalisar zartarwarta.
Gwamnoni da sauran ’yan jam’iyar dai sun gaza amincewa kan batun da taron zai mai da hankali na karba-karbar kujerar Shugaban Kasa.
A karshe dai an dage taron jam’iyar zuwa ranar Laraba da karfe 4:00 na yamma, sai kuma na kwamitin amintattu da karfe 7:00 na yamma, yayin da na kwamitin zartarwa ya koma karfe 8:00.
