Jam’iyyar LP ta ba da sanarwar dage taronta na yakin neman zaben Shugaban Kasa da ta shirya gudanarwa a jihohin Ekiti da Ondo.
jam’iyyar ta ce, ta dage tarukan ne saboda wasu dalilai da suka sha karfinta.
- Kasar Netherland za ta nemi afuwa kan cinikin bayin da ta yi a baya
- Malam bude mana littafi: Kwaron da ke bad-da kama ya yi kama da maciji
Ta yi alkawarin za ta sake tsayar da sabbin ranaku nan ba da dadewa ba don gudanar da taron nata a jihohin da lamarin ya shafa.
Cikin sanarwar da ta fitar a ranar Laraba, jam’iyyar ta ce da farko ta so gudanar da babban taron nata ne ranar 15 ga watan Disamba a Ekiti, sannan ranar 16 a Ondo.
Wannan na zuwa ne kwana daya bayan da dan takarar Shugaban Kasa na jam’iyyar, Peter Obi da abokin takararsa, Baba Ahmed-Datti, suka karkatar da akalar yakin neman zabensu zuwa Jihar Kogi.
