Kamfanin Mai na Kasa (NNPCL) ya tabbatar da karin farashin litar man fetur a gidajen mansa da ke fadin Najeriya.
Aminiya a zaga gidajen mai a Kano inda ta iske gidan man NNPC da ke titin Club Road na sayar da litar fetur a kan N540.
“NNPC Limited na sanar a abokan hularsa cew ya kara farashin man fetur da duk gidajen mansa da ke fadin Najeriya, sakamakon sauye-sauyen da aka samu a yanayin kasuwa.
“Duk da cewa muna kokarin samar da kyawawan ayyuka da ganin cewa ba a rasa man ba, amma dole ba za a rasa sauyin farashi ba saboda dalilai na kasuwanci.
“Muna ba da hakuri bisa takurar da wannan sauyin zai haifar,” in ji sanawar da kakain kamfanin NNPC, Garba Deen Muhammad ya fitar a ranar Laraba.
