Mutanen gari sun kone gawar wasu da ake zargin ’yan bindiga ne a yankin Nasarawa-Azzara da ke Ƙaramar Hukumar Kachia da ke Jihar Kaduna.
Wani shugaban yankin ya shaida wa wakilinmu ranar Lahadi cewa mutanen garin sun tsinci gawar ’yan bindigar ne a Hayin-Dam da ke kusa da su garin nasu.
Wani ɗan banga mai suna Hassan, ya ce bayan gano gawarwakin ne matasan garin suka banka musu wuta, kafin isowar ’yan banga.
Hakan na zuwa ne bayan rahotanni sun nuna cewa a ranar Laraba sojoji sun kashe wasu ’yan bindiga uku a ƙauyen Azzara da ke maƙwabtaka da yankin na Nasarawa-Azzara.
- An yi wa matashi yankan rago a cikin gidansu Filato
- Tsare Seaman Abbas: Hedikwatar Tsaro ta ƙaddamar da bincike
Wakilinmu ya yi kokarin ganawa da kakakin ’yan sanda na Jihar Kaduna, ASP Hassan Mansur, kan lamarin, amma ya kasa samun jami’in.
