Mutanen gari sun kama mai garkuwa da mutane a Jos

Jama’ar gari a sun kama wani mai garkuwa da mutane bayan ya karbi kudin fansa Naira miliyan 1.5 a gari Jos, Jihar Filato.

Al’ummar yankin Nepa da ke garin Jos sun yi kukan kura sun kama mai garkuwa da mutanen ne a ranar Alhamis, suka mika shi ga ’yan banga.

Wani dan banga a yankin da ya nemi a boye sunansa, ya ce ’yan banga sun mika wanda ake zargin ga ofishin ’yan sanda na Laranto.

Dan bangan ya ce wanda ake zargin, “ya yi garkuwa ne da wasu kananan yara biyu, ya karbi kudin fansa Naira miliyan 1.5 daga iyayensu, amma ya ci gaba da rike yaran.

• An ba masu tsoffin gidaje kwana 7 su fice a Ibadan
• Yadda aka yi Jana’izar Sarkin Gobir ba tare da gawarsa ba
• Matashin da ya sare hannun kanen mahiafinsa ya shiga hannu

“Washegari da ya je wani kango da ya boye yaran ne mutanen da ke wucewa a wurin suka ji kukan yara, shi ne suka shiga ciki.

“Da shigarsu sai wanda ake zargin ya haura taga ya tsere, suka bi shi suka yi masa ihu, mutane suka fito maza da mata aka kama shi.