Majalisar Dokokin Jihar Kano ta bukaci a kafa ’yan sanda jihohi tare da rage wa Gwamnatin Tarayya karfi a jihohi da kananan hukumomi.
Majalisar ta kuma bukaci a yi wa kundin tsarin mulkin gyaran fuska domin bayar da damar kafa ’yan sandan jihohi wanda a cewarta zai taimaka wa jihohi magance matsalolin tsaro da suka yi musu dabaibayi.
- Sheikh Sani R/Lemu da Umar Sani Fagge sun zama farfesoshi
- Yadda ’yan bindiga suka tare a makarantun Zamfara
Bukatun na Majalisar ginshikai ne na tsarin federaliyya wanda aka saurari ra’ayoyin jama’a a game da shi kan yi wa kundin tsarin mulki gyaran fuska.
’Yan Majalisar sun yi kiran ne a takardar bayan taron da Shugaban Majalisar, Hamisu Ibrahim Chidari ya rattaba wa hannu.
