Majalisa ta gayyaci Lai Mohammed kan dakatar da Twitter

Majalisar Tarayya ta bukaci Ministan Sadarwa, Lai Mohammed ya bayyana a gabanta kan dakatar da dandalin sada zumunta na Twitter a Najeriya.

Majalisar Wakilai ya bayar da umarnin gayyato ministan ne domin ya yi bayani kan hikimar matakin da Gwamnatin Tarayya ta dauka na dakatar da Twitter a kasar.

• Aminanshi sun kashe shi kan bashin da yake bin su
• Hanyoyi 5 da za a inganta lafiyar ido

Shugaban Majalisar, Femi Gbajabiamila, ya sanar da haka ne a jawabinsa bayan dawowarta a safiyar Talata.

Ya umarci Kwamitin Sadarwa da Harkokin Shari’a na Majalisar da su tabbatar da umarnin cikin kwana 10.