Allah Ya yi wa mahaifiyar tsohon shugaban Hukumar yaki da almundahana (EFCC) Abdulrasheed Bawa rasuwa.
Mahaifiyar Abdulrasheed mai suna Hajiya Hadiza Ahmed Bawa ta rasu ne a garin Sakkwato ranar Laraba da dare.
Abdulrasheed Bawa ya shaida wa wakilinmu ta wayar tarho cewa “Ta rasu ne a Asibitin Koyarwa na Jami’ar Usmanu Danfodio, amma za a yi jana’izarta ne a Jega, Jihar Kebbi, inshaAllah da misalin 2:30.”
Aminiya ta gano cewa ana kan shirye-shiryen kai gawar dattijuwar zuwa jihar Kebbi domin janai’zar a ranar Alhamis.
Abdulrasheed Bawa shi ne farar hula na farko da ya zama shugaban EFCC mai cikakken iko, a ranar 16 ga watan Fabrairu, 2021, daga bisani majalisar dokoki ta kasa ta amince da naɗin nasa da tsohon shugaban kasa Muhammadu Buhari ya yi.
A watan Yuli 2023 kuma, bayan hawa mukin Shugaba Bola Tinubu ya dakatar da shi.
