Allah Ya yi wa mahaifin tsohuwar jaruma kuma fitacciyar darekta a masana’antar Kannywood, Muhibbat Abdussalam rasuwa.
Mijinta Darekta Hassan Giggs ne ya bayyana hakan cikin wani saƙo da ya wallafa a shafinsa na sada zumunta.
- Dalilin da ƙungiyoyi ke rububin Xabi Alonso
- Ramadan: Gidauniyar Dangote ta raba buhunan shinkafa miliyan ɗaya a bana
A cewar Giggs, an yi jana’izar mahaifin Muhibbat a Unguwar Danladi Nasidi da misalin ƙarfe 10 na safiyar wannan Lahadin.
A watan Yunin bara ne dai Muhibbat da Hassan Giggs suka yi murnar cika shekaru 15 da aure.
Auren Giggs da Muhibbat da aka yi a ranar 28 ga watan Yunin 2008, na ɗaya daga cikin auratayyar da ake buga misali da ita tsakanin ’yan Kannywood saboda yadda suka shafe shekaru ba tare da rabuwa ko kuma an ji kansu ba.
