Mahaifin dan wasan Najeriya Osimhen ya rasu

Mahaifin dan wasan gaba na kungiyar Super Eagles ta Najeriya Victor Osimhen ya rasu.
Dan wasan ne ya sanar da haka a shafinsa na sada zumunta na Twitter a ranar Lahadi,
inda ya wallafa labarin da cewa “Ubangiji yasa ka huta baba, babu kalmomi da za su iya bayyana yadda nake ji ”
Kamfanin dillancin labarai na Najeriya ya rawaito cewa dan wasan mai shekaru 21 shine dan wasa da yafi zura kwallo a raga a kakar wasa ta shekarar 2019/2020 a gasar Ligue 1 ta Faransa, inda yaci kwallaye 13 ya taimaka aka ci 27 duk da cewa kungiyarsa ta kare a ta hudu a teburin gasar.
Dan wasan ya kuma taka rawa a lokacin da Najeriya ta lashe gasar kwallon kafa ta duniya na ‘yan kasa da shekara 17 da gasar kofin Africa na ‘yan kasa da shekara 23 dukka a shekarar 2015.