LABARIN RFI: Messi ya yi awon gaba da magoya bayan PSG

Adadin magoya bayan PSG a shafinta na Instagram ya ragu sosai tun bayan da aka sanar cewa, Lionel Messi zai raba gari da kungiyar.

A bangare guda kuma, adadin magoya bayan Inter Miami ya karu a Instagram sakamakon shirye-shiryen kulla yarjejeniya da dan wasan.

Yanzu haka Inter Miami ta Amurka ta samu karin sama da magoya baya miliyan 3 a shafin nata, inda kuma PSG ta Faransa ta yi asarar magoya baya sama da miliyan 2 a cikin kwanaki bakwai da suka gabata kadai.

Adadin magoya bayan PSG a Instagram din ya koma miliyan 67.8 daga miliyan 69.9.

• Buhari ya kashe wa matattun matatu fiye da kudin gina Matatar Dangote —Gwamnan Nasarawa
• NAJERIYA A YAU: Yadda gidajen mai suke kwantai saboda tsadar fetur

Ita kuma Miami, adadin magoya bayanta yanzu ya kai miliyan 4.8 daga miliya 1 kacal.