dan kwallon gaba a kulob din Manchester United na Ingila Zlatan Ibrahimobic ya bayyana takamaiman ranar da zai koma filin fagen daga bayan ya shafe lokaci mai tsawo yana jinya saboda raunin da ya samu.
Yanzu dan kwallon zai fara kwallo ne a kulob din Manchester United daga ranar 2 ga watan Disamba mai zuwa. A ranar ce kulob din United zai hadu da na Arsenal a gasar rukunin firimiyar Ingila ta bana.
Shi dai Ibrahimobic tun a watan Afrilu na bana rabonsa da ya buga kwallo bayan ya samu rauni a wasan da United ta yi da Anderlecht a gasar EUROPA.
dan shekara 36, Ibrahimobic, ya sake sabunta kwantaraginsa da United ne a watannin baya, amma sai a watan Disambar bana zai fara kwallo.
