Sabon dan kwallon kulob din Arsenal da ke Ingila, Granit dhaka ya yi gargadi ga kocin kungiyar, Arsene Wenger cewa ba zai amince ya rika ajiye shi a benci ba, ba tare da wani dalili kwakkwara ba.
Shi dai dhaka wanda ya canza sheka daga kulob din Borussia Monchenglabach na kasar Jamus zuwa kulob din na Arsenal a kakar wasa ta bana ya nuna ya koma Arsenal ne don ya rika yin wasa a kan kari ba tare da an ajiye shi a benci ba.
dhaka dan asalin kasar Suwizilan ya koma kulob din Arsenal ne a kan Fam miliyan 30, kuma kawo yanzu ya buga wasanni da dama ga kulob din na Arsenal.
