Dan takarar Majalisar Tarayya a Jam’iyyar PDP a mazabar Birnin Kebbi/Kalgo/Bunza, Abba Muhammed Bello, ya rasu.
Bello ya yi rasu ne bayan dawowa daga ziyartar mahaifinsa, Muhammed Haliru Bello wanda tsohon shugaban jam’iyyar PDP ne a Kebbi, da ke jinya a Amurka ziyara.
- Za mu sama wa Katsina N10bn daga hasken rana a shekara —NNPP
- A gaggauta kammala masana’atar tiransfomar Najeriya —Buhari
Dan takarar na PDP, ya lashe zaben fid-da-gwanin jam’iyyar da aka gudanar a watan Mayu.
Bello ya kayar da dan majalisar da ke ci a yanzu, Alhaji Mohammed Bello Yakubu wanda hakan ya sa ya sauya sheka zuwa jam’iyyar APC.
Sai dai ya zuwa lokacin hada wannan rahoto ba a bayyana musabbabin rasuwar dan takarar na PDP ba.
