Adadin mutanen da aka tabbatar sun kamu da cutar coronavirus a Najeriya ya kai 318.
Hukumar Yaki da Cututtuka Masu Yaduwa ta Najeriya (NCDC) ce ta bayyana haka a shafinta na Twitter.
“Zuwa karfe 9.30 na daren 11 ga watan Afrilu, akwai mutum 318 da aka tabbatar sun kamu da COVID-19 a Najeriya. Daga cikin wannan adadin an sallami mutum 70, yayin da mutum 10 suka riga mu gidan gaskiya”.
- COVID-19: Buhari ya roki ’yan Najeriya su zauna a gida
- An samu mutum na farko da ya kamu da Coronavirus a Kano
Mutum 11 daga cikin sabbin kamuwar dai a jihar Legas suke, daya a jihar Kano, daya kuma a jihar Delta.
Wannan ne dai karo na farko da aka samu wanda ya kamu da cutar a jihar Kano, lamarin da ya sa jihohin da ke da najinyata suka kai 19.
