Shugaba Buhari zai kai ziyarar aiki kasar Turkiyya a ranar Alhamis domin halartar taron hadin gwiwar kasashen Afirka da Turkiyya.
Shugaban Kasar Turkiyya, Recep Tayyip Erdogan, shi ne zai jagoranci taron, wanda shi ne karo na uku da zai gudana a birnin Santanbul, domin yin duba kan alakar da ke tsakanin bangarorin a kawancen da suka kulla tun daga 2014.
- Ana kashe mu kamar dabbobi babu mai kare mu —Sheikh Dahiru Bauchi
- Yadda Najeriya ta ciyo bashin tiriliyan N2.5 a wata uku
Fadar Shugaban Kasa, ta bakin kakakin Shugaban Kasa, Garba Shehu, ta ce, Buhari zai yi tafiyar ce tare da mai dakinsa, Aisha Buhari.
Ministan Abuja, Mohammed Bello; Ministan Lafiya, Osagie Ehanire; Ministan Ayyukan Noma, Mohammed Abubakar; da na Masana’antu, Kasuwanci da Zuba Jari, Adeniyi Adebayo; da Daraktan Hukumar Tara Bayanan Sirri, Ahmed Rufai Abubakar, na daga cikin tawagar shugaban kasar.
