Shugaban Kasa Muhammadu Buhari zai gabatar wa Majalisar Dokoki ta Kasa da kudurin kasafin kudin 2022 a ranar Alhamis.
Mataimakin Shugaban Majalisar Dattijai, Sanata Ovie Omo-Agege, ne ya bayyana hakan a ranar Talatar a zauren majalisar.
- Majalisar Kano ta dakatar da gina shaguna a Masallacin Fagge
- A shirye Najeriya take ta taimaka wa Sudan ta Kudu — Buhari
“Za ku gabatar mana da rahotonku zuwa gobe (Laraba0, don ba mu damar nazartar gabatar da kasafin kudin a ranar Alhamis,” inji Omo-Agege.
Ya bukaci kwamitin harkokin kudi na majalisar da ya gaggauta aikin da yake yi kan tsare-tsaren kasafin, domin gabatar da rahotonsa a gaban majalisa zuwa ranar Laraba.
Bayan karanta takardar da Shugaban Kasar ya aike wa majalisar, shugabanta, Sanata Ahmad Lawan ya mika ta ga kwamitinin kasafin kudi.
