Shugaban Kasa Muhammadu Buhari ya rantsar da Mai Shari’a Olukayode Ariwoola a matsayin Alkalin Alkalan Najeriya na riko ranar Litinin.
Matakin Shugaban ya biyo bayan ajiye aikin da tsohon Alkalin Alkalai, Ibrahim Tanko Muhammad ya yi a ranar Litinin, sakamakon rashin lafiya da ya yi ikirarin yana fama da ita.
- Yadda muka ceto almajirai 21 daga coci a Jos – DSS
- Najeriya ta shigo da danyen sukari na N410bn cikin shekara daya
Taron rantsar da Ariwoola ya gudana ne a Fadar Shugaban Kasa da ke Abuja.
Wata majiya ta bayyana mana cewa zai ci gaba da zaman alkalin alkalan na riko har zuwa lokacin da za a mika sunansa gaban Majalisar Dattawa domin tantance shi a matsayin cikakken alkalin Alkalan.
An dai haifi Ariwooria ranar 22 ga watan Agustan shekarar 1954 a jihar Oyo, kuma kafin ba shi wannan matsayin, ya rike matsayin Alkalin kotun daukaka kara, kafin a kara masa matsayi zuwa na kotun Koli a 2011.
