Shugaban Kasa Muhammadu Buhari ya roki duk ’yan Najeriya da ya yi wa ba daidai ba a lokacin mulkinsa su yafe masa.
Buhari ya kuma bayyana godiyarsa ga ’yan Najeriya bisa yadda suka yi ta hakuri da mulkinsa ma tsawon shekaru takwas.
Ya bayyana haka ne a lokacin da ya karbi bakuncin ’yan kasar mazauna Abuja da suka kai masa ziyarar gaisuwar Karamar Sallah a ranar Juma’a a Abuja.
Buhari ya karbi bakuncin nasu ne a Fadar Shugaban Kasa bayan da ya halarci Sallar Idi a Filin Idin Barikin Soji na Mambilla da ke Abuja.
Hakan kuwa na zuwa ne kwana 38 kafin ya ga shugaban kasa mai jiran gado, Bola Tinubu, a ranar 29 ga watan Mayu, 2023.
