Shugaban Kasa Muhammadu Buhari ya yi ganawar sirri da sabuwar Shugabar Kungiyar Kasuwanci ta Duniya (WTO), Ngozi Okonjo-Iweala, a Fadar Fwamnatin Tarayya da ke Abuja.
Sabuwar Darakta-Janar din ta WTO kuma tsohuwar Ministar Kudi da Tattalin Arziki a Najeriya, ta samu tarba daga Shugaban Ma’aikatan Fadar Shugaban Kasa, Farfesa Ibrahim Gambari, a ranar Litinin.
- An kashe ‘yan bindiga 9 tare da kame wasu a Jihar Neja
- Matar aure ta kashe danta, ta kona mijinta
- Farashin kayan gwari ya fadi warwas a Kano
Okonjo-Iweala ta samu rakiyar Ministocin Masana’antu, Kasuwanci da Saka Jari, Niyi Adebayo; Harkokin Kasashen Waje, Geoffery Onyeama da Ministan Masana’antu, Kasuwanci da Zuba Jari, Maryam Katagum.
Har wa yau, a cikin wakilan da suka mata rakiya, akwai wasu jami’an WTO.
Tsohuwar ministar ta iso Najeriya ne a ranar Asabar, domin ziyarar aiki kwana biyar, bayan karbar ragamar shugabancin WTO a ranar 1 ga watan Maris, 2021.
Ana sa ran Okonjo-Iweala, za ta yi wa ’yan jarida bayani game da ganawarta da Shugaba Buhari, sannan ta yi wa Gwamnatin Tarayya godiya bisa gudunmawar da aka ba ta wajen samun kujerarta ta WTO.
