Boko Haram ta sako mata 48 da ta sace bayan karbar kudin fansa

Kungiyar Boko Haram ta saki akalla mata 48 da ta sace a kwanakin baya a kauyukan Maiwa da Shuwarin da ke Karamar Hukumar Mafa da ke Jihar Borno.

An  sace matan ne a gonakinsu a ranar Talata 22 ga watan Agusta, kamar yadda wani mai bincike kan ayyukan ta’addanci a Yankin Tafkin Chadi, Zagazola makama ya bayyana.

• Nijar ta koro jakadan Najeriya
• Wata 1 da juyin mulki: Nijar ta kori jakadan Faransa

Ya ce bayan da aka sace matan ne daga baya ’yan Boko Haram din suka bukaci iyalansu matan da su biya su kudin fansa.

A ranar 23 ga watan Agusta ne aka sako matan bayan an biya Naira 50,000 a matsayin kudin fansar kowannensu ga ’yan ta’addan.

An saki takwas daga cikin wadanda lamarin ya shafa tun farko bayan biyan Naira 20,000 kowannensu, in ji Zagazola.