Gwamnatin Biritaniya ta cire sunan Najeriya daga jerin kasashen da ke barazanar yada cutar COVID-19, musamman nau’in Omicron.
Sakataren Lafiya na Birtaniya, Sajid Javid, ya bayyana cewa bullar kwayar cutar Omicron alama ce da ke nuna cewa hana tafiye-tafiye ba zai hana yaduwar sabon nau’in kwayar cutar na COVID-19 ba.
- Monguno ya bayyana sunayen kungiyoyin da ke daukar nauyin ta’addanci a Najeriya
- Omicron ta kashe mutum na farko a Birtaniya
A sakamakon haka, gwamnatin Birtaniya za ta cire Najeriya da sauran kasashen da ta sanya wa bakin daga cikinsu takunkumi daga karfe 4 na yammacin ranar Laraba.
A makon jiya ne gwamantin Birtaniya da sanar da matakin da ta dauka na hana baki daga Najeriya shiga kasarta bayan an samu bullar kwayar cutar Omicron a Najeriya.
