Daruruwan matasa a ranar Lahadin sun shiga rukunin masana’antu da ke yankin Idu, Abuja, tare da yashe rumbunan kamfanonin.
Shaidu sun ga yadda bata-garin suka rika yin awon gaba da buhunan shinkafa, sukari, kwalayen madara da sauran kayayyakin abinci.
- #EndSARS: ’Yan sanda sun hana matasa dibar abincin tallafi
- Masu zanga-zanga sun daka wa kayan tallafin COVID-19 wawa
Duk da bayyanar ’yan sanda bata-garin sun ci gaba da kwasar kayan.
Wasu daga cikinsu sun zo je wurin da babura masu kafa uku, wasu kuma da babur domin kwasar kayan a kai.
Sai dai daga bisani ’yan sanda sun harba hayaki mai sanya hawaye don tarwatsa dandazon mutanen.
