Atletico Madrid ta nada tsohon dan wasanta, Fernando Torres a matsayin sabon kocin matasan kungiyar.
Torres ya sanar da hakan ne cikin wani sako da ya wallafa a shafinsa na Twitter a ranar Litinin.
“Ina alfahari da murna da na dawo gida.
“Wannan kalubale ne babba a gaba na da zanyi iya kokari na don ci gaba da bautawa kungiyar nan.”
A kakar da ta gabata ce Torres ya yi aiki tare da karamar kungiyar Atletico a matamakin mataimakin koci, inda a yanzu zai ja ragamar kungiyar a kakar da za ta fafata ta bana.
