Da safiyar Lahadi aka yi wa Sarkin Karaye, Alhaji Ibrahim Abubakar II allurar rigakafin cutar Coronavirus a fadarsa da ke garin Karaye a jihar Kano.
Hakan na kunshe cikin wata sanarwa mai dauke da sa hannun mai magana da yawun fadar, Haruna Gunduwawa.
- An cafke ’yan fashi da masu garkuwa da mutane uku a Adamawa
- Saura kiris jam’iyyar APC ta rushe – Tambuwal
Gunduwawa ya ce ma’aikatan lafiya ne suka yi wa Sarkin rigakafin tare da dukkan iyalansa da kuma sauran hadiman da ke fadar.
Da yake jawabi bayan karbar rigakafin, Sarkin ya ja hankalin al’umma a kan su tabbatar an musu rigakafin domin rubanya fafutikar da ake yi ta yaki da annobar Coronavirus.
Sarkin ya kuma bayyana amincinsa a kan allurar a yayin da wani sashe na duniya ke bayyana fargaba gami da juya baya a kanta.
