Wasu da ba a san ko su wane ne ba sun yi wa Kwamishinan Kimiyya da Fasaha na Jihar Katsina, Dokta Rabe Nasir, kisan gilla.
Maharan sun daba wa kwamishinan wuka ne a gidansa da ke Rukunin Gidajen Fatima Shema a garin Katsina a yammacin ranar Alhamis.
- ’Yan bindiga sun kashe mutum 15 a Sallar Asuba a Neja
- Kisan Sakkwato: Jama’a sun aike wa Buhari wasikar bacin rai
Majiyarmu ta ce, “An daba wa marigayi Dokta Rabe Nasir wuka ne bayan Sallar La’asar a gidansa da ke Rukunin Gidajen Fatima Shema.”
Kafin zamansa kwamishina, marigayi Dokta Rabe shi ne Mashawarcin Gwamna Aminu Bello Masari na Jihar Katsina a kan Kimiyya da Fasaha.
Dokta Rabe Nasir haifaffen garin Mani ne a Karamar Hukumar Mani ta Jihar Katsina kuma an haife shi ne a watan Oktoban 1960.
