Rahotanni sun bayyana cewa an yi garkuwa da shugaban jam’iyyar PDP na Jihar Legas, Mista Philip Aivoji.
Bayanai sun ce an dauke shugaban jam’iyyar ne a akan titin Lagos zuwa Ibadan da misalin karfe shida na yamma ranar Alhamis.
- Dalilin da Hukumar Tace Finafinai ta kama Tubeless
- Kotun Ƙoli ta tabbatar wa Farouk Lawan ɗaurin shekaru biyar
Sakataren watsa labarai na jam’iyyar, Hon Hakeem Amode ya tabbatar da sace shugaban na jam’iyyar.
Mista Amode ya ce an yi garkuwa da shugaban jam’iyyar ne lokacin da yake komawa gida bayan wata ganawa da gwamnan Jihar Oyo, Seyi Makinde da na Jihar Osun, Ademola Adeleke.
Ya yi kira ga hukumomin tsaro da gwamnati a dukkan matakai da su tashi tsaye kan wannan lamari domin ceto shugaban jam’iyyar.
