An sace ragon layyan Babban Limamin unguwar Mista Ali da ke Karamar Hukumar Bassa da ke Jihar Filato, Imam Abdulkadir.
An sace ragon liman Imam Abdulkadir ne a daren Babbar Sallah a lokacin da ake tsaka da ruwan sama a ranar Asabar.
Wani limami a unguwar, Malam Haruna Yaqub, ya bayyana haka ne a lokacin da yake huduba bayan kammala sallar idi, yana mai yin Allah-wadai da lamarin.
“A daren jiya aka sace ragon layyan da Babban Imam ya saya. Wannan abin mamaki da ban damuwa ne, domin ya nuna yanzu mutane ba su da tsoron Allah.
- Mutum 15 sun mutu bayan jiragen kasa sun yi karo a Indiya
- Abincin N4bn muke ciyar da dalibai —Gwamnatin Kaduna
“Abin tsoro ne wannan tsabar rashin tsoron Allah da mutum zai je ya sace abin da aka tana domin aikin ibada,” in ji malam Yaqub.
Saboda haka Malam Yaqub ya ja hankali jama’a su kasance masu tsoron Allah su guji ayyukan laifi domin akwai ranar hisabi.
