Gwamnatin Tarayya ta tsawaita wa’adin da ta sanya na hade lambobin waya da lambar shaidar dan kasa ta NIN zuwar ranar 31 ga watan Disamba, 2021
Hukumar Sadawar ta Kasa (NCC) ta sanar da karin wa’adin, wanda shi ne karo na bakwai, gami da cewa kawo yanzu an yi wa ’yan Najeriya miliyan 66 rajistar lambar NIN.
- Zaben PDP: An umarci daliget su yi zabe da ‘Unity List’
- NECO na bin jihohin Arewa bashin kudin jarabwa N2.8bn
“Ministan Sadarwa da Tattalin Arzikin Zamani, Isa Ali Pantami ya sanar da amincewar Gwamnatin Tarayya a tsawaita rajistar layukan SIM da kuma hade su da lambar NIN.
“Ana kira ga ’yan kasa na gari da halastattun baki da su tabbata sun yi rajista kafin karshen shekarar 2021,” inji sanarwar da kakakin NCC, Ikechukwu Adinde da takwaransa na hukumar kula da shaidar dan kasa (NIMC), Kayode Adegoke suka fitar.
Sanarwar ta ce an kara wa’adin ne bayan rokon da kamfanonin sadarwa da sauran masu ruwa da tsaki a bangaren suka yi domin karin ’yan Najeriya su samu.
Sanarwar ta ce kawo yanzu akwai cibiyoyin yin rajistar guda 8,000 a fadin Najeriya.
