Da alama wasu Shugabannin Kananan Hukumomi a Jihar Anambara na biyan albashi ga ma’aikatan bogi a yankunansu.
Shugaban Hukumar Kula da Kananan Hukumomin jihar, Vin Ezeaka, ne ya tabbatar da hakan.
- Ya kashe abokinsa da kahon dabba saboda ya ki saya masa giya
- An kwace bindigogi 5 daga hannun wadanda ake zargi da kai hare-hare a Osun
Ya ce wasu Kananan Hukumomin jihar na biyan albashi ga ma’aikata da masu karbar fansho na bogi a yankunansu.
Ezeaka ya ce Ciyamomin Kananan Hukumomin da lamarin ya shafa na aikata hakan ne domin kaurara kason da suke samu daga asusun Gwamnatin Jihar.
Jami’in ya yi wannan tonon sililin ne ranar Litinin a ci gaba da rangadin da yake yi zuwa yankunan Kananan Hukumomin jihar.
Daga nan, ya gargadi ma’aikatan da kananan hukumomin jihar da su guji kowane nau’i na magudi a bakin aiki ko kuma su fuskanci fushin hukuma.
