Wasu al’ummomi masu arzikin albarkatun man fetur sun ba wa hamata iska yayin zaman sauraron ra’ayoyin jama’a kan sabuwar dokar bunkasa bangaren man fetur (PIDB) a Majalisar Wakilai.
A yi ta kai wa juna naushi ne a fadan da ya kaure, bayan Kwamitin Majalisar Wakilai ya gayyato al’umma ta farko da za ta gabatar da bayanan da take tafe da shi.
- Yadda ’yan bindiga suka karkashe juna a Katsina
- Yadda za a kara hasken fata cikin kankanin lokaci
- Za a jibge sojoji mata 200 su yi sintiri a hanyar Abuja-Kaduna
A zaman na ranar Alhamis, Kwamitin Majalisar ya ce sauran al’ummomin za su biyo baya da zarar an kammala sauraron na farkon.
Sai dai hakan bai yi wa wasu al’ummomin dadi, inda suka ce allambaram suka fara yi wa juna ihu, har ya kai ga cacar bakin ya koma dambe.
