Amurka na shirin aika wa kasar Ukraine makamai masu linzami don ta yi amfani da su wajen kare kanta daga hare-haren da Rasha ke kai mata.
Wata majiya mai tushe ce ta bayyana wa kamfanin dillancin labaran Faransa na AFP hakan ranar Litinin.
- Bankuna sun damfare mu biliyan 22 cikin wata guda – MTN
- Buhari zai rantsar da Ariwoola a matsayin sabon Alkalin Alkalai Najeriya
Majiyar, wacce ta nemi a sakaya sunata ta ce, “Shugaban Amurka Joe Biden ya sayi kayayyakin samar da tsaron sama don nuna fifiko ga kasar Ukraine .
“Akwai yiwuwar fitar da sanarwa a satin nan da muke ciki, na siyan makaman kariya masu linzami, kuma masu matsakaici ko nisan zango daga kasa zuwa sama, da ma sauran muggan makamai domin tallafawa kasar Ukraine ta samu galaba kan Rasha a yakin da suke gabzawa.”, inji majiyar.
