Alabshin N14m ba ya isa ta —Sanata Kalu

Tsohon Gwamnan Jihar Abia, Orji Uzor Kalu, ya ce albashin Naira miliyan 14 da ake biyan shi a matsayin sanata a halin yanzu ya yi kaɗan.

Sanata Orji Uzor Kalu ya ce Naira miliyan 14 ba sa isan gudanar da ofishinsa da sauran buƙatu a wata guda.

Ya bayyana haka ne a wata hira da aka yi da shi a tashar talabijin ta Channels ranar Alhamis da dare.

Orji Kalu wanda ya ce yawancin sanatoci suna yi wa jama’ar mazabunsu abin a yaba, ya ce ba zai ba wa al’ummarsa kunya ba.

• Dan ƙabilar Ibo ya zama Limamin Babban Masallacin Abuja
• An ba Dangote da BUA aikin gyaran Titin Abuja-Kaduna

Ya ce, “Naira Miliyan 14 ake biya na a wata a matsayin albashi da sauran alawus da kundin hadimaina.

“Kasan cewa da wannan kuɗin nake sa mai a motoci in je mazaɓata? Ai ya yi kaɗan.”