Wata Babbar Kotun Tarayya da ke Abuja, ta bayar da belin tsohon kwamandan rundunar leken asiri ta ’yan sandan Najeriya, DCP Abba Kyari bayan shafe watanni 27 yana tsare.
An saki Kyari daga gidan gyaran hali na Kuje da ke babban birnin tarayya, Abuja.
- Alhazan Najeriya su guji sayar wa takari ‘uniform’ — NAHCON
- Me zai faru tsakanin Dortmund da Madrid a wasan karshe na Zakarun Turai?
A ranar 14 ga watan Fabrairu, 2022, hukumar NDLEA ta kama Kyari, kan zargin alaƙa da wata ƙungiyar miyagun ƙwayoyi.
Hotunan yadda iyalai da ‘yan uwan Kyari suka tarbe shi sun karade kafafen sada zumunta.
Daga cikin yadda aka tarbe shi har da wani rubutu da aka maƙale a bango da “Barka da dawowa.”
NDLEA ta kama Kyari da wasu daga cikin tawagarsa ta ‘yan sanda – Lahadi Ubia, Bawa James, Simon Agirigba, da John Nuhu tare da gurfanar da su a gaban kuliya a ranar 7 ga watan Maris, 2022.
