Assalamu alaikum uwargida. Barkanmu da sake haduwa a cikin wannan fili namu na girke-girke.
A wannan mako za mu kawo muku yadda ake Kunun Tsamiya ne.
- ‘A haramta daukar mutane a motocin dakon dabbobi zuwa Kudu’
- Ambaliyar ruwa: Pakistan na fuskantar barazana a bangaren ilimi
Duk da yake akwai yadda kowa ke sarrafa irin nata Kunun Tsamiyar gwada irin namu ma zai sa a yi gyara ko a ji daban da na kullum.
Za a iya shan wannan kunu da kosai domin Karin kumallo a samu karin armashi.
A sha karatu lafiya.
Abubuwan da ake bukata
• Tsamiya • Sukari • Masoro • Citta • Gero
Hadi
Da farko za a wanke tsamiya sannan a jika ta.
Bayan haka, sai a wanke gero a shanya ya bushe sannan a zuba busashiyar citta da masoro a nika a injin din nika.
Kuma nikan gari za a yi. Bayan an gama, sai a tankade garin.
A dora ruwan tsamiya bayan an tace a tukunya sai a jira ya tafasa sannan a kwaba garin geron da aka tankade kadan a kwano da ruwa kadan sannan a rika gaurayawa ana zubawa a cikin tukunyar ruwar tsamiyar yadda zai yi kauri.
Sannan a sauke. A zuba sukari iya yadda ake so.
