Assalamu Alaikum, barkanmu da warhaka. Yau muna dauke ne da yadda ake hada kunun ridi, dabino da kwakwa a filinmu na grike-girken azumi.
Kayan hadi
– Ridi
– Dabino
– Kwakwa
– Garin madara
– Sukari
– Fulebo
Yadda ake hadawa
– A surfa ridi a wanke, a cire dusar.
– A yayyanka kwakwa kanana a ajiye a jefe.
– A jika dabino har sai ya yi laushi, sai a cire kwallayen.
– A zuba ridin da yankakken kwakwa da dabino da ruwa kadan a blender a markada sosai.
– A tace sai a zuba madara, sukari da flavour.
– A zuba a mazubin ruwa a saka a firinji har sai ya yi sanyi sosai.
Shi ke nan, a sha dadi lafiya!
