Tsohon Babban Hafsan Tsaron Nijeriya, Admiral Ibrahim Ogohi ya riga mu gidan gaskiya a safiyar wannan Lahadin.
Wata majiya daga iyalan marigayin ta ce tsohon hafsan tsaron ya rasu ne a asibiti sakamakon jinya da ya yi fama da ita.
- An naɗa Alhaji Mohammed Abubakar sabon Chokalin Fika
- Shugabar Ƙaramar Hukuma ta ƙaddamar da yaƙi da cutar Kwalara a Gombe
Admiral Ibrahim Ogohi CFR FSS MSS PSC, wanda aka haifa a ranar 14 ga watan Nuwamban 1948 ya riga mu gidan gaskiya bayan shafe shekaru 75 a doron ƙasa.
Shi ne sojan ruwa na farko da ya fara zama Babban Hafsan Tsaron Nijeriya daga 1999 zuwa 2003 kuma sojan ruwa na farko da ya samu anini huɗu a aikin soja a mulkin farar hula.
Marigayi Admiral Ibrahim Ogohi ya kasance kwamandan jirgin Rundunar Sojin Ruwa na Eken NNS France a 1982, kwamanda NNS Anansa a 1985 kuma darakta a makarantar horas da dakarun soji ta NDA daga 1986 zuwa 1987.
An dai haifi marigayi Ogohi a garin Okura-Lafiya da ke Ƙaramar Hukumar Dekina a Jihar Kogi.