Rundunar sojojin Najeriya sun kubutar da mata 42 da yara 51 da kuma maza 2 daga hannun mayakan Boko Haram, wadanda suke amfani da su a matsayin leburori.
Mukaddashin Daraktan hulda da jama’a na sojojin Najeriya Kanal Sagir Musa, ne ya sanar da hakan, rundunar ta kuma dakile harin ‘yan kungiyar uku.
Kanal Sagir Musa, ya ce 24 daga cikin yaran da aka kubutar, jami’an kiwon lafiya na sojojin sun yi masu rigakafin shan inna.
