An yi musayar wuta tsakanin mayakan kungiyar ISWAP da mafarauta bayan kungiyar ta kai farmaki a wani kauye da ke Kudancin Jihar Borno, kamar yadda majiyar CJTF ta bayyana.
Rahotanni sun bayyana cewa mayakan ISWAP sun hari kauyen Shallangba da ke yankin Debiro ne a Karamar Hukumar Hawul, a kan babura inda suka dinga harbi kan mai uwa da wabi kafin daga bisani su tsere zuwa daji.
- Omicron ta kashe mutum na farko a Birtaniya
- Za mu hana matasan da ba su yi rigakafin COVID-19 ba shiga sansanonin ba da horo – NYSC
Majiyar ta bayyana cewar har zuwa yanzu wasu daga cikin mayakan na cikin kauyen, inda suke ta dauki ba dadi da mafarautan kauyen.
A ranar Lahadi ne Boko Haram ta farmaki yankin na Debiro, wanda ke da iyaka da kananan hukumomin Biu da Hawul a Jihar Borno.
