Wani kare ne ya je gidan wani malami domin a ba shi lakani. Ya ce wa malam: “Ina son a ba ni asirin yadda zan kama mazuru cikin sauki.” Malam ya ce masa to ya saurare shi. Suna nan zaune sai ga kura ita ma ta zo zauren malam ta zauna da tata lalurar. Kafin malam ya saurare ta, sai ya waiwayi kare, ya ce masa: “Me ke matsalarka? Sake bayyana mini.” Shi kuwa kare da ya ga kura sai ya ce: “Allah gafarta malam, yanzu lakanin yadda zan koma gida lafiya nake so!”
