Shahararren ɗan kokawa ɗan ƙasar Amurka mai ritaya Terry Gene Bollea wanda aka fi sani da Hulk Hogan ya rasu yana da shekara 71 a duniya.
A cewar TMZ da sauran rahotanni, likitoci sun mayar da martani a gidansa na Clearwater, da ke Florida da sanyin safiyar Alhamis kan Hulk Hogan ya kamu da bugun zuciya da ya yi ajalinsa.
- An rantsar da Nentawe sabon shugaban APC na ƙasa
- Kwalara: Mutum 13 sun mutu sama da 236 na jinya a Neja
Daga nan an ɗauki Hogan da wuri aka saka shi cikin motar ɗaukar marasa lafiya.
Duk da damuwa na kwanan da aka bayyana game da lafiyarsa – ciki har da larurar wuyansa a farkon wannan shekara, matarsa Sky ta riga ta ce zuciyarsa ta kasance tana bugu da ƙarfi.
Hogan ya kasance mutum mai kawo sauyi a cikin ƙwararrun ‘yan kokawa, wanda aka yaba wa wajen ɗaga darajar wasan da nishaɗantarwa.
Ya fara wasa a bainar jama’a a cikin shekarar 1977 kuma ya fara zama babban tauraro a cikin 1980s tare da Kamfanin nishaɗantarwar kokawa na WWE (yanzu ya zama WWE), yana ba da labarin abubuwan da suka faru kuma ya zama zakaran WWF sau shida.
